Istória PNTL nian

Polisia Nasional Timor Leste (PNTL) harii iha tinan 2000 ho metamorfose sira PNTL nian maka hanesan iha tinan 2000 to’o 2001 Instituisaun Estado ida ne’e hanaran Timor Leste Police Services ga TLPS, nune’e hahu tinan 2001 to’o 2002 naran TLPS hakfilak ba East Timor Police Services ou ETPS. Iha momento Instituisaun ne’e iha faze ida ba Konsolida no buka naran proprio no merese ba Nasaun ida ne’e (Timor Leste) maioria iha ema barak inklui joven balun mosu presepsaun ida hodi haneon katak pesoal sira nebe halao knar iha tempo ida ne’e (2000-2002) so servisu hodi apoio no ajuda Pesoal ONU nian nebe maka halao hela knar ba Paz, Estabilidade no mantein seguransa iha rai laran nebe loron ruma depois mandato ONU nian iha Timor Leste Instituisaun ida ne’e mos la existe tan no Governo Timor Leste sei establese hikas fali Instituisaun Seguransa ida iha Rai Laran.

Maske nune’e iha tinan 2002 to’o ohin Governo Timor Leste liuhosi Lideransa Excelencia Senhor Ministro do Interior Sr. Rogerio Tiago Fatima Lobato hakfilak Instituisaun ne’e hodi hanaran Policia Nacional de Timor Leste (PNTL) nebe nafatin moris no lao to’o ohin loron.

Nune’e iha ona progresu barak maka akontese iha PNTL maske sei nafatin mosu disafio balun maka durante procesu desemvolvimentu Instituisaun PNTL, nune’e disafiu balun nebe PNTL infrenta maka Servisu sistema administrativo inklui servisu sira iha area operasional PNTL nian.

Hahu husi tempo UNTAET to’o UNMISET, PNTL so Uja Regulamentu UNTAET No.: 22/2001 nebe mai ho estrutura divisa lima (Agente Recruta/RA, AGENTE, SENIOR AGENTE, SUB INSPECTOR no INSPECTOR konaba Divisa rua seluk maka SUPERINTENDENTE no COMISSARIO so aplika ou fo ba Lideransa nebe maka Lidera PNTL, hanesan iha tempo neba Sr. Paulo de Fatima Martins Nomeado ba Director Nacional nebe ikus mai hanaran fali Comandante Geral da PNTL ho Divisa Superintendente nebe remata nia Mandato Comandante Geral PNTL nian iha tinan 2006.

Nune’e, tuir mai hahu tinan 2006 depois de Mandato Comandante Geral Senhor Paulo de Fatima Martins, Governo Timor Leste lihosi Lideransa Excelencia Ministro Interior Dr. Alcino Barris de Araujo Nomea InspectorAfonso de Jesus hodi kontinua Lidera PNTL nudar Comandante Geral PNTL Interino to’o loron 27 Marsu 2009 hodi hetan nomeasaun foun no Politiku ba Cargo 2oComandante Geral da PNTL nudar Comissario Policia.

Husi loron 27 Fulan Marsu tinan 2009 Governo RDTL liuhosi IV Governo Konstitusional Decreta hodi resolve ho dalan Nomea Excelentissimo Dr. Longuinhos Monteiro nebe asume hela responsabilidade nudar Procurador Geral da Republica hodi lidera no Desemvolve Instituisaun PNTL hamutuk ho Excelencia Senhor Francisco da Costa Guterres P.Hd hanesan Secretario do Estado de Segurança RDTL

Nunee kontinua ho Lei Organika PNTL nebe maka hasai husi GovernoRDTL iha 5 de Maio 2004 ho estrutura maka hanesan no laiha mudansa ba divisa to’o tinan 2009.

Iha 18 Fevereiru 2009 Governo Timor Leste hasai hikas Lei Organika PNTL nian ida nebe uja to’o ohin loron hodi hamosu estrutura nebe defini Adjunto Comandante Geral PNTL ne’e husi nain rua ba nain ida deit.Hanesan mos re-agrupamentu ba BOP/UIR nebe companha ketak-ketak inklui CSP no URP (COE) ba fali Unidade foun ida ho naran Unidade Especial da Policia hodi tau hamutuk BOP, CSP no COE, alein de hamosu Estrutura Divisa ou Galhões PNTL nian husi Nivel Estrutura lima ba nivel ou Estrutura Sanulu Resin 12 maka hanesan Agente, Agente Senior, Agente Chefe, Sargento, 1o Sargento, Sargento Chefe, Inspector Assistentente, Inspector, Superintendente Assistente, Superintendente, Superintendente Chefe no Comissario.

No iha loron 31 Dezembru 2012, Misaun UNPol remata iha Timor Leste, ho nune’e Polisia Nasional Timor Leste mak assume responsabilidade tomak ba seguransa interna nian, hodi serví no proteje ba komunidade no ba Nasaun Timor Leste.