Unidade Espesial Polísia (UEP)

Objetivu

20131119-BS-2013_11_19_UEP Training (4 of 12)Forma Unidade Espesial Polísia hodi objetivu atu garante funsionamentu internu ida ke diak ba Unidade Espesial Polísia, atu Unidade ida ne´e bele garante kumprimentu misaun sira ne´ebé sira simu.

Baze legal

Unidade Espesial Polísia maka unidade ida iha PNTL, Dekretu-Lei nú. 9/2009, loron-18 fulan-Fevereiru maka lei orgánika POLÍSIA NASIONÁL TIMOR-LESTE, Artigu 28, hodi tuir komandu no kontrolu Komandante Jerál PNTL.

Funsaun

Unidade Espesial Polísia hanesan unidade rezerva ida, ho efetivu variável, ne´ebé atua tuir orden husi Komandante-Jeral, iha situasuan reforsu ba Komandu Distrital sira ka iha situasaun kumprimentu misaun autónoma.

Unidade Espesial Polisia iha elementu sira ke preparadu no treinadu atu kumpri misaun sira hanesan, rezolusaun no jestaun insidente krítiku. Intervensaun tátika iha situasaun violénsia konsertadu ka ho perigu ne´ebé aas, kompleksu no ho risku. Manutensaun no restabelesimentu orden públika. Seguransa no protesaun ba entidade bo´ot. Seguransa ba eventu bo´ot sira.

Inativasaun explozivu no exekusaun buska preventivu sira. Seguransa instalasaun sensível, preferensialmente iha situasaun apoiu ka reforsu. Preparasaun no projesaun forsa ba misaun internasionál.