20150828-BS1_2396

Biografia Komandante Jerál  PNTL Komisariu Faustino da Costa

Komandante Jerál PNTL Komisariu Faustino da Costa A. Ma, moris iha Postu Administrativu Maubara, Munisípiu Liquiça iha loron 18 Junhu 1974 ho estadu sivíl kaben nain.

Edukasaun formal, Komisáriu Faustino da Costa hahu eskola iha Primaria SDK St. Paulus VI Maubara 1982-1989, Ensinu Pré-Sekundaria SMPN Maubara 1989-1991, Ensinu Sekundaria SMAN 1 Dili 1991-1994 no ikus liu akaba Diploma II Politeknik Negeri Dili 1994-1996.

Komandante Jerál mos ema primeiru ne’ebe tama PNTL iha tinan 2000, ne’ebe forma husi UNPol. Durante hala’o kna’ar Komisáriu Faustino hetan fiar husi UNPol hodi tuir formasaun iha rai liur no rai laran kona-ba jestaun Polísiamentu nian. Eskola Siensia Polísia iha Academy FBI, Universidade West Virginia hahu iha Setembru 2008-Dezembru 2008. Kursu Ingles iha Flinders University Australia, hahu iha Junhu no remata iha Agostu 2008. Kursu Jestaun Polísial no Jestaun Komflitu iha IPDC Swedia hahu iha Fevereiru 2010 no remata iha Marsu 2010. Kursu Jestaun Polísial rejiaun Ázia iha RMIT (Royal Melbourne Institute Technology Hanoi, Vietnam) hahu Setembru-Outubru 2011.

Iha Setembru 2012 tuir kursu Asia Pasific Chapter Retreiner iha FBI National Academy Associates (FBINAA) Sydney, no kontinua kursu hanesan iha tinan 2013 iha FBI National Academy Associates (FBINAA) Bangkok, iha tinan 2011 tuir kursu konaba manajementu Programa Inplementasaun Lei iha Rejiaun Azía, iha fulan Maiu tinan 2011 tuir kursu badak konaba Enkontru konaba Dejafiu Global Siguransa iha FBI National Academy Associates (FBINAA), Manila. Alende ne’e iha Janeiru 2011 kursu Sertifikadu III iha manajementu husi ETDA Dili, iha fulan Agostu 2010 tuir Seminariu Workshop Investigasaun Disciplinar Ministradu husi Ajensia IOM no iha fulan Maiu tuir Seminariu konaba Trafiku Humanu-Knaar Polisia, iha fulan Marsu tuir kursu badak konaba Kursu Dezenvolvimentu Polisia Internasional Suea Bowlinghall, Sweden no Kursu Dezenvolvimentu Polisia husi Swedish Police Peace support operation, Alende ne’e tuir mos kursu konaba Dezenvolvimentu Polisia Internasional (IPDC).

Iha tinan 2009 tuir kursu konaba Treinamentu Manajementu Lideransa husi IOM, kursu Regional Partnership-Global Solution iha FBI National Academy Associates (FBINAA), Gold Coast, kursu konaba PNTL Leadership Development Program iha JCLEC Semarang, Indonesia.

Iha tinan 2008 tuir kursu badak konaba Comparative U.S Government Institution husi FBI National Academy, KURSU C 4754 Stress management In Law Enforcement husi Federal Boreau of Investigation in State of Virginia no kursu konaba Gangs Developmental Issues and Criminal Behavior, nune’e mos kursu badak konaba FBI National Academy United States Department of Justice. Alende ne’e halao mos kursu konaba Introdusaun Treinamentu ba Ofisial PNTL husi Organijasaun UNHCR nomos Kursu badak konaba English Language Course husi Intensive English Language Institute (IELTS) no kursu konaba PNTL Registration and Certification Program husi UNMIT.

Iha tinan 2004 tuir kursu konaba English Oral Practicum to Satisfaction husi Pro Team Management SDN BHD, kursu badak Shotokan Karate International Federation husi Persatuan Karate Polis Diraja Malaysia. Iha Novembru 2003 to’o Setembru 2004 tuir kursu konaba Program Latihan Asas Kepolisian-Inspektor Bilangan I Siri 1/2003 no kursu Training of Trainer Course for Peer Educator in HIV/AIDS Prevention husi UNMISET.

Iha tinan 2001 tuir kursu badak konaba Mid-Level Management Course no Applied Strategic Planning husi ICITAP (Formasaun/Promosaun) nune’e mos kursu konaba Office of Professional Responsibility husi ICITAP (Policiais), kursu badak konaba Advanced Supervision and Management Techniques husi ICITAP (Formação/promoção) no mos tuir kursu badak konaba Training Managers Course no Police Supervision for a Democratic Society no kursu konaba Dezenvolvimentu Curikular. Iha Fevereiru to’o Marsu 2001 tuir Kursu Lideransa iha Sentru Formasaun Polísia, Comoro, Kursu Disiplinar, iha Maiu-Junhu 2002 Kursu Komadante Munisípiu iha Maktab Cheras, Malazya; Fevereiru to’o Marsu 2003 Eskola Inspetór iha PULAPOL, Kuala Lumpur Malazia no  kursu audit inspesaun iha Jakarta, Indonézia hahu 2013.

Haree ba formasaun no kursu ne’ebe ás tebes maka iha tinan 2003-2004 hetan fiar husi Komandu PNTL sai hanesan Komandante PNTL munisipiu Liquiça, iha Dezembru 2005 to’o Juñu -2007 simu kna’ar hanesan Adjuntu Diretór Rekursu Umanus PNTL no ikus mai hetan fiar sai hanesan Diretór Rekursu Umanus. Iha Dezembru 2009 to’o Jullu 2010, hetan konfiansa husi Komandu PNTL hodi delega fila fali hanesan Komandante Polísia Munisípiu Liquiça, iha 2010-2011 asumi kargu Xefe Departamentu Justisa, no iha Abril 2011 sai Komandante PNTL Munisípiu Baucau remata iha 18 Novembru 2013 no Iha 18 Novembru 2013 to’o 27 Marsu 2015 simu kna’ar hanesan Xefe Inspesaun Jerál.

Ho sakrifisiu no dedikasaun tomak ba instituisaun PNTL no nasaun Timor-Leste iha nia knaar lor-loron nian hanesan autoridade siguransa maka Komisariu Faustino da Costa simu rekoñesementu no Louvor husi Prezidente Republika ho Medalla Ordem de Timor-Leste, grau Insigna, iha 05 de Maiu 2017, simu Medalha Meritu Seguransa Públika,  iha tinan 2016 simu Medalha de Comportamentu Exemplar, grau Prata husi Ministru Interior, iha tinan 2011 simu louvor Medalha Nacionais husi governu Republika Demokratika Timor-Leste (RDTL) nomos Medalha Halibur husi Secretariu Estadu  Defeza nune’e mos iha tinan 2010 hetan Reconhecimento, iha tinan 2006 simu Condecorações (Ordens e Medalhas) Estrageiras husi UNMIT no iha Jullu 2004 simu Agradecimento husi Polis Diraja Malaysia.

Iha loron Sesta-Feira 27 Marsu tinan 2015 iha selebrasaun aniversariu instituisaun PNTL ba dala-15 hetan nomeasaun husi governu nudar Segundu Komandante Jerál ho diviza Komisáriu, iha Sentru Formasaun Polísia, Comoro-Dili, hafoin asumi kargu ne’e durante tinan haat (4) ikus mai iha aniversariu PNTL ba dala-19 hetan fiar husi governu konstitusional da-8 ne’ebe lidera husi Primeiru Ministru Taur Matan Ruak hodi fo Posse ba Komandante Jeral PNTL Komisariu Faustino da Costa hodi lidera instituisaun Seguransa ne’e ba periodu tinan 2019-2023.