Biografia Segundu Komandante Jerál  PNTL Komisariu Mateus Fernandes

Segundu Komadnante Jeral PNTL Komisariu Mateus Fernandes, MSC, moris iha  Uato Carbau, Viqueque  iha loron 2 Marsu tinan 1973 ho estadu sivil kaben nain.Edukasaun Formal Komisariu Mateus Fernandes eskola iha Eskola Primaria Uato Carbau 1980 – 1986, Eskola Sekundaria iha Uato Carbau 1987 – 1990, Eskola Sekundária Superior iha Viqueque 1990- 1993 hafoin remata eskola iha Ensinu Sekundaria Komisariu Mateus Fernandes kontinua nia estudu iha Ensinu Superior iha 1993 – 1996 Gradua ho Bacharelatu husi Universidade Undana Kupang, iha 2005- 2010  Graduadu husi Universidade da Paz (UNPAZ) Lisensiatura Relasaun Internasional no Setembru 2010-15 Maiu 2012 Pós-Graduasaun, Siensia Polisíal (Jestaun ba Polísia) no iha Outubru 2010 – Maiu 2012 Graduadu husi Universidade Indonesia, Mestradu Siensia Polisiál (Jestaun Polisiál).Iha 12 de Outubru 2012- 7 de Jullu 2013 Top Career study Chief of Staff: Lemhannas RI (National Resilience National Leaders), Graduadu ho klasifikasaun: Estrela Emblemátika (flagship star). Durante halao knaar iha instuisaun PNTL Segundu Komandante Jeral mos tuir kursu iha estranjeiru no rai laran hodi aprofunda liutan nia konyesementu hanesan iha 2004 Kursu Komandante Munisipiu iha Kuala Lumpur, Maktab Pegawai Kanan Malaysia. Iha 2008 (Graduadu APCSS no Sertifikadu), no (Sertifikadu) husi Japan Senior Police Foreign Course; iha 12 de Maiu 2009 tuir kursu Comprehensive Security Responses Tom Terrorism Asia Pacific Center for Security Studies no hetan rekoñesimentu kompleta kursu CSRT liu husi rekomendasaun husi fakuldade no staff  iha Honolulu- Hawai. Janeiru – Abril 2009 tuir kursu Topu Executivu  Planeamentu Estartéjiku ba Seguransa no  Dezenvolvimentu, iha UK Defense Force Academy no iha Dezembru 2009 tuir kursu badak kona-ba Jestaun ba Mudansa no Lideransa (Change Management and Leadership) husi Defence Academy of United Kingdom. Alende ne’e iha Outubru 2015 tuir Konferénsia Internasional IACP (International Association of Chief of Police) iha Chicago, Illinois (USA); iha Juñu 2018 tuir kursu Dinámiku Dezenvolvimentu Seguransa husi Konsellu Seguransa ba Xefia Polísia Nasoens Unidas nian iha Nove Yorke no kursu Dynamic Security Development of Security Council for United Nations Chief of Police (UNCOPS). Iha Juñu 2009 tuir konferénsia ba Ofisiál Seniór Polísia Estranjeiru nian kona-ba Investigasaun Kriminal iha Japaun ne’ebe fasilita husi JICA (Japan-JICA) no iha 2008 tuir Semináriu Perspetiva Polisiamentu ba 2020, iha Canberra Australia. Nune’e mos tuir Semináriu Sistema Modelu Polísia, iha Kolejiu Polisia Indonezia; iha Setembru tuir Semináriu kona-ba Organizasaun ba Proibisaun Armas Kimikas (Organization for the Prohibition of Chemical Weapons) no Semináriu ba Ofisiais sira ne’ebé foti Desizaun ho Parseiru sira kona-ba Konvensaun Nasionál ba Implementasaun Armas Kimikas nian. Iha  2013 tuir Kursu badak konaba Dominiu Edukasaun kona-ba Estratéjia no Resilénsia iha   Jakarta- Indonesia ne’ebe kompleta ho susesu. Iha Abril 2011 tuir Semináriu kona-ba Problema no Implementasaun Droga no Krimi iha Indonesia; Iha loron 17-23 de Fevereiru 2003 tuir Kursu Jestaun Nível Médiu iha Dili (ICITAP) (Sertifikadu); no  iha Juñu 2001 tuir kursu Supervizaun Polisiál ba Sosiedade Demokrátika iha (ICITAP) Dili. Iha nia Karreira hanesan Autoridade Siguransa iha instituisaun Polísia Nasional Timor-Leste (PNTL) Segundu Komandante Jeral Komisariu Mateus Fernandes hetan konfiansa husi Komandu PNTL hodi hetan nomeiasaun ofisiál hanesan Xefe Investigasaun iha munisipiu Viqueque hahu Abril – Agostu 2001; iha Setembru – Dezembru hetan nomeiasaun ba Adjuntu Komandante Munisipiu Viqueque no ikus mai iha fulan Dezembru hetan fiar sai Komandante munisipiu Viqueque hodi lidera Komandu PNTL munisipiu Viqueque. Iha Fevereiru 2002 – 2005, hetan nomeiasaun ba Komandante Operasaun Nasionál, iha Setembru 2005 – Marsu 2006, hetan nomeiasaun hanesan Ofisiál Ligasaun entre PNTL & F-FDTL. Iha Maiu 2007 – Outubru 2009, hetan nomeiasaun ba Adjuntu Komisáriu Polísia ba Operasaun no Intervensaun no iha tinan 2008 hetan Nomeiasaun ba Adjuntu Xefe Estadu ba periudu Estadu Emerjénsia Insidente Emboskada hasoru Xefe Estadu no Primeiru Ministru. Iha loron 6 Juñu 2012 – 8 Outubru 2012 asumi kargu hanesan Xefe Interpol iha Timor Leste, no iha 19 Fevereiru 2014 até 2019 hetan nomeiasaun hanesan Komandante Administrasaun Nasionál. Iha loron 15 de Agostu 2018 to’o 26 de Marsu 2019 hetan nomeiasaun hanesan Komandante Operasaun PNTL Nasionál. Ho dedikasaun no Espiritu servi ne’ebe maka iha durante halao nia karera profesional iha Instituisaun Seguransa ne’e maka Komandante Mateus Fernandes mos simu Rekoñesementu no Louvor husi entidade governu Timor-Leste no parseru sira hanesan Medalla Ezemplar, grau Ouro ba individual husi Ministro Defeza no Seguransa, Medalla Públiku grau Prata, husi Ministro Defeza no Seguransa, Medalla Komportamentu Ezemplár, individuál husi Ministru Defeza no Seguransa; Medalla ba Operasaun Halibur nudar Adjuntu Xefe Estadu ba Komandu Konjuntu; no Medalla (Kuadro Onra) Individuál Sertifikadu husi Lemhannas RI (National Resilience) Estrela Emblemátika (Bintang Andalan). Ho esperensia no kapasidade ne’ebe maka Superintendente Xefe Mateus Fernandes  iha maka iha aniversariu PNTL ba dala-19 ( 27 de Marsu 2019 ) Governu Konstitusional da-8 ne’ebe lidera husi Primeiru Ministru Taur Matan Ruak fo fiar ba nia hodi nomeia hanesan Segundu Komandante Jeral PNTL ho Diviza Komisariu; ba periodu tinan 2019-2023.