Unidade Polísia Marítima (UPM)

Objetivu

Atu prevene no kombate krimi trafiku droga, trafiku umanu, terorizmu,  piratarias, imigrasaun klandestina no poluisaun maritima. Fó seguransa ba área tasi-ibun no dominiu públiku maritima. Monitoriza, proteze ambiente maritime, siku soin tasi okos. Alende ne’e mos fó vizilansia iha fronteira maritima no iha koordenasaun ho forsa Navál F-FDTL.

Unidade Marítima nu’udar parte ida husi Sistema Autoridade Marítima no estabelese ona espesifikamente atu fó vijilánsia no monitoriza área tasi-ibun no tasi sira estadu nian [Lei Orgánika PNTL, Dekretu-Lei 9/2009, Artigu 32(1)]. Misaun ida ne’ebé inklui iha kuadru autoridade marítima mak: Atu salvaguarda ema nia moris iha tasi no atu fornese servisu salva marítimu nian (Artigu 32 (2) (f)).

Baze legál

IV Governu Konstitusionál, Dekretu Lei nr. 9/2009, loron 18 Fevereiru; Lei Orgánika Polísia Nasionál Timor-Leste nian, Artigu 32.

Konvensaun Nasoins Unidas nian kona-ba Direitu Tasi nian, Parte VII, Seksaun 1, Artigu 98.

Funsaun

Timor-Leste nu’udar estadu marítimu soberanu iha responsabilidade internasionál hodi fornese seguransa iha tasi laran no mós halo buka no salvamentu ba ema ida-idak ne’ebé uza ninia tasi territoriál rasik. Unidade Marítima PNTL nian bele mós bolu atu buka ema ne’ebé lakon iha tasi laran, ka sai nu’udar vítima asidente marítimu nian.

Fó asisténsia ba kualkér ema ne’ebé hetan susar no atu lakon iha tasi laran. Atu kontinua ho velosidade maka’as hodi salva ema ne’ebé hasoru problema ruma, bainhira iha informasaun katak sira presiza tulun.

Total membrus UPM efetivu hamutuk nain 120, hodi fahe ba area tolu, mak hanesan servisu iha postu (Postu Batugade, Atabae, Atauro, Beloi, portaun portu Dili, sional Dili no postu Com Lospalos), servisu iha ró (ró NRTL Lusitania, NRTL Dili, NRTL Hera, NV Timor-Leste, speed boat 12), no servisu iha kuartel UPM.