Objetivu
Gabinete Relasaun Internasional estabelese bazeia ba nesesidade no polítika Komandante Jerál PNTL nune’e bele asegura servisu komandante Jeral nian liu-liu atu halo kontaktu ho instituisaun relevante iha rai laran no estranjeiru nomos mantein kontaktu entre PNTL ho embaixada estranjeru sira iha Timor-Leste nomos embaixada Timor-Leste iha estranjeiru, kona-ba servisu polisial nian.
Misaun
Gabinete Relasaun Internasional hanesan gabinete ne’ebe foun hodi enkaixa iha Gabinete Komandante Jeral nia okos hodi fo apoiu tekniku liu-liu ba korespondénsia eksterior.
Kna’ar
Gabinete Relasaun Internasional ninia mandatu atu halo servisu prioridade tolu maka hanesan:
- Troka informasaun ba prevensaun krime ho nasaun viziñu no organizasaun relevante kona-ba krime organizadu,
- Halo kooperasaun ho parseiru dezenvolvimentu PNTL nian iha área kapasitasaun, finanseiru nomos material
- Koordena no koopera ho Ministeriu Negósiu Estranjeiru liu-liu kona-ba preparasaun kandidatu PNTL sira ba Misaun Paz, formasaun no ba partisipa iha konferénsia internasional ruma nomos tuir formasaun iha nível Internasional