Dili-Polisia Nasional Timor-Leste (PNTL) hein desizaun tribunal atu destroy makina jogu kasinu illegal ne’ebe maka inporta mai Timor-Leste no Servisu Investigasaun Kriminal Nasional (SIKN) prende foin lalais ne’e.
Komandante Jeral PNTL Komisariu Polisia Julio da Costa Hornay hafoin seremonia enseramentu estajiu ba kursu kontra terorizmu ne’ebe hala’o iha kuartel UEP Bairo-Pite foin lalais ne katak jogu kasinu illegal ne’ebe maka Polisia Servisu Investigasaun Kriminal Nasional (SIKN) prende iha Portu Dili, oras ne’e daudaun sei rai iha Kuartel Jeral PNTL hodi hein desijaun tribunal, Nia hato’o kestaun ne’e hafoin serimonia enseramentu estajiu ba kursu kontra terorismu no estaziu baze ba ajente UEP iha Kuartel UEP Bairo-Pite Dili, Kinta (14/04).
Nia informatan katak PNTL hein desizaun husi tribunal, hafoin de prosesu julgamentu, PNTL ezekuta ordem no orientasaun husi Ministeriu Publiku atu destroy ou halo nusa ba ba makina hirak ne’e.
Makina jogu kasinu ne’e SIKN prende iha inisiu fulan Abril iha Portu Dili bazeia ba ordem husi Ministeriu Publiku atu salva evidensia hirak ne’e hodi hein prosesu justisa. Makina jogu kasinu ne’e polisia prende tanba dokumentus kontainer ho marka CAIU.U 9210 904 hakerek lista sasan elektroniku hanesan leptop no komputador Desktop maibe bainhira SIKN identifika hetan fali makina jogu kasinu illegal hamutuk 38 no kadeira hamutuk 78. Media PNTL.
