Dili, Komandu Polísia Nasional Timor-Leste (PNTL) liu husi Unidade Polísia Marítims (UPM) iha loron sexta-feira (28/10) ne’e hala’o serimonia Enseramentu Re-Treinamentu Kona-ba Lideransa Estrutura Unidade, Dezastre No Salvamentu Iha Tasi ba Komandante Kompaña, Xefe Seksaun no Komandante Postu sira husi UPM nian.
Komandante UPM Superintendente Polísia Eugenio Pereira iha ninia intervensaun ba serimonia ne’e hateten primeiru iha ninia situasaun ida ne’e mai liu-liu kona-ba prosesu ba iha Formasaun ka Re-Treinamentu ne’ebe maka ita inisia iha loron segunda to’o loron sexta durante loron lima nia laran, hanesan Komandante Unidade apresia tebes-tebes ba iha inisiator ne’ebe inisia to’o iha nia planu até to’o iha ninia prosesu realizasaun ba iha programa ida ne’e.
“Apresia mós ba iha Ajente, Sargentu no Ofisias sira ne’ebe maka nomeadu hanesan Instrutór ka Formador hodi fahe ona esperiensia no informasaun ligadu ho siensia ne’ebe maka ita bo’ot sira iha no partisipa iha prosesu aprendizagen durante periodu ne’ebe maka mezmu naton maibé ita bo’ot sira konsege hatudu komitmentu, vontade hodi fahe koñesimentu liu husi ita bo’ot sira nia aprezentasaun tuir orariu ne’ebe maka fó ona iha formasaun ida ne’e”, tenik Komandante UPM ne’e.
Superintendente Polísia ne’e salienta tan katak durante formasaun hau akompaña ita bo’ot sira nia aprezentasaun kapas no fó duni nia vantagem no benefisiu en termu koñesimentu tékniku ba iha ita nia Komandante Postu sira, Komandante Seksaun sira no kolega Ajente sira ne’ebe maka partisipa tantu Ofisias sira ne’ebe maka asume pozisaun hanesan Komandante Kompaña no konsege hetan ninia informasaun, simu ninia aprezentasaun ne’ebe maka ita bo’ot sira aprezenta.
“Tantu kolege sira ne’ebe nomeadu hanesan formador mezmu sira ho deviza Ajente, hanesan Komandante Unidade hau apresia tebes ba sira nia koñesimentu ne’ebe maka sira konsege fahe ona, tantu mós ba kolega sira ne’ebe esperiensia kapas ho ita bo’ot sira nia koñesimentu diak, ita fahe esperiensia no koñesimentu ba malu”, hatutan Superintendente Polísia ne’e.
Ofisias Superior PNTL ne’e hato’o mós apresiasaun no agradesimentu ba iha ekipa husi Diresaun peskas ninian ne’ebe maka ita bo’ot sira mós konsege fahe esperiensia no matenek oinsa atu bele fó koñesimentu ne’ebe maka mezmu naton maibé pelo menus hanesan efetivus membru UPM ninian, ita bele iha ona ita nia koñesimentu oinsa atu guia ita nia aktividade, responsabilidade iha momentu ita assume ita nia servisu iha terenu.
Entretantu parseiru ne’ebe maka apoiu iha formasaun durante loron lima ne’e mai husi Cruz Vermelha Timor-Leste hamutuk ho Diresaun Peska, Ministeriu Agrikultura no Peska nian. Partisipante sira ba formasaun kona-ba Lideransa Estrutura Unidade, Dezastre No Salvamentu Iha Tasi mai husi Komandante Kompaña, Xefe Seksaun no Komandante Postu sira husi UPM nian. Media PNTL.
