Dili, Seksaun Incident Management System (IMS) Komandu Polísia Nasional Timor-Leste (PNTL) kontinua realiza sorumutu kona-ba utilijasaun Sistema Jestaun Insidente (SJI) ba Komandante munisipiu no xefe seksaun investigasaun PNTL munisipiu sira.
Segundu Komandante Jerál PNTL Komisariu Faustino da Costa iha abertura ba sorumutu ne’e hateten utilizasaun Sistema Jestaun Insidente ne’e importante tebes tanba sistema ne’e rasik modernizadu ona atu bele responde ba Planu Estratejiku Desenvolvimentu Nasional.
“Hanesan iha hateten iha Planu Estratejiku Desenvolvimentu Nasional 2030 ne’e PNTL hanesan ida ne’ebe, uja meiu ekipamentus ida ne’ebe, tanba ne’e maka ita tenke prepara ita nia ann atu oinsa bele lao tuir Planu Estratejiku ne’ebe hatur nanis ona”, tenik Segundu Komandante Jerál PNTL.
Komisariu Faustino da Costa subliña liu tan katak husi utilizasaun sistema ida ne’e maka kada Komandante no xefe seksasaun sira bele kontrola no monotoriza servisu membru sira nian liu-liu prosesu investigasaun ba kazu ruma ne’ebe maka akontese iha munisipiu.
Iha fatin hanesan reprezentante TLPDP hateten kuandu husi munisipiu rasik la hatama informasaun ou dadus sira mai iha IMS dala ruma ita la hetan rekursu ne’ebe maka lolos aloka ba iha kada munisipiu.
Husi TLPDP mós kongratula no fó parabens ba ekipa IMS nian ho sira nia konselleru tanba ho sira nia susesu ida mós informasaun husi komandante no xefe seksaun munisipiu sira relata mai.
Media PNTL.
