Durante kampana partidu politikus no koligasaun iha teritoriu tomak lao ho susesu, tamba buat hotu lao ho diak maske partidu politik balun kontra regulamento no orariu kampana ne’ebe CNE iha. Ami husi Komando simu relatorio husi Komando Distritais ida-idak ne’ebe kada oras sira update sitausaun kampana nian iha teritoriu laran tomak nian, ita hotu akompana hahu husi inisiu mai to’o agora ne’e buat hotu-hotu lao iha ordem, hatete Segundo Komandante Jeral Polisia Nasional Timor leste ( PNTL ) Komisariu Afonso de Jesus ba Timor Post Iha servisu fatin kaikoli Dili. Maibe mos iha kontra iregulares nian liu tiha no sira nafatin uza oras halo kampana hanesan akontese iha Distrito Bobonaro, SubDistrito Lolotoe nian, no sira mos fo razoens hotu. Ami mos simu informasaun iha akontese kona ba asidente ida rua ne’ebe mak akontese kareta baku fila, ema hemu lanu provoka situasaun tamba lia fuan la kona malun tuir lolos hanesan lider politik sira tenki hatene ona iha rai ne’ebe mak difini oras no tempu tenki halo tuir, maske nune’e ita mos hanesan nnasaun demokratiku, Segundo Komandante. Situasaun sira ne’e Polisia tenta atu oinsa mak la marka presensa iha fatin ne’eba, maibe haruka membru ne’ebe mak parte informasaun nian ba atu rekoilha informasaunkarik buat ruma akontese. Tamba ne’e hau hanoin observasaun PNTL nian hare komunidade sira iha sensibiliza tebes, tamba komunidade iha esperensia, maske Polisia nia prejensa laba mos sira nafatin tau hanoin diak iha ordem atu labele mosu problema. Sitausaun to’o agora hau hatete ona buat hotu lao diak ho ordem laiha problema ida mosu seriu iha ita nia rai ne’e, atu impede aktividades kampana partido politiku sira nian. Buat hotu ami hare lao diak hotu, tamba agora falta tan loron tolu para povo hotu-hotu atu ba partisipa iha festa demokrasia tinan lima halao dala ida ne’e ho diak.