Dili- Komando Polisia Nasional Timor-Leste (PNTL) no Komandante Munisipiu 13 segunda 18 de Abril halo Enkontru Semanal hodi deskuti konaba problema tranzitu Rodoviariu no problema seguransa rai laran ne’ebe maka sai prekupasaun boot ba autoridade seguransa.
Komandante Jeral PNTL Komisariu Polisia Julio da Costa Hornay hateten durante enkontru komandante munisipiu sira aprezenta konaba problema tranzitu rodoviariu, problema seguransa rai laran no idea servisu diariu ne’ebe maka sira halo, konaba transporte ne’ebe sira uza ba servisu balu paradu hela tanba aat no presiza apoiu Komando atu hadia nomos kestaun seluktan, Nia hato’o kestaun ne’e ba jornalista sira hafoin partisipa iha enkontru semanal iha Kuartel Jeral Kaikoli Dili Segunda (18/04).
Nia informatan katak Komando iha responsabilidade atu hare hodi responde oinsa atu bele resolve problema sira ne’e aliened ne’e hau hato’o mos ba Ministeriu Interior atu hare kestaun hirak ne’e no oinsa atu resolve.
enkontru semanal ne’ebe maka sempre halo iha Segunda feira kada semana atu informa konaba servisu sira ne’ebe maka komandante sira halo ba Komando atu nune’e Komando apar ho servisu saida maka sira halao nomos problema balu ne’ebe maka sira aprezenta mai atu nune’e Komando foti desijaun hodi atende. Media PNTL