Dili_Komandu Polísia Nasional Timor-Leste (PNTL) realiza enkontru iha Hotel Ramelau tersa ne’e (06/06) ho Komandante PNTL Munisipiu, Komandante Unidade no Falintil Forsa Defeza Timor Leste (F-FDTL) hodi diskuti planu operasaun seguransa ba eleisaun parlamentar 2017.
Komandante Jerál PNTL Komisariu Julio da Costa Hornay hateten enkontru ne’e Komandu halo ba dala tolu ona normalmente wainhira besik ona tempu eleisaun, Komandu Operasaun prepara planu operasaun seguransa nian ba Komandante Munisipiu sira.
“Komandu Operasaun prepara planu seguransa nian hodi bolu komandante munisipiu no komandante unidade sira hodi aprezenta, atu bele apár malu ho planu operasaun ne’ebe maka prepara ona ba seguransa eleisaun, atu komandante munisipiu hotu bele iha koñesimentu klean kona-ba planu operasaun ne’ebe maka preparadu ona atu uja ba iha seguransa eleisaun parlamentar ninian”, tenik Komandante Jerál PNTL.
Komisariu Julio da Costa Hornay hatutan liu tan katak iha planu operasaun ne’e mós kada komandante munisipiu idak-idak sei aprezenta kompozisaun pesoal, nesesidade sira ne’ebe presiza ba iha apoio seguransa eleisaun nian.
Media PNTL.
