Dili– Ajente rekruta hamutuk na’in 243 Polisia Nasional Timor Leste (PNTL) akompaña husi polisia Unidade Polísia Fronteira, no Centru Formasaun ba Polisia hala’o limpeza jerál iha Sta.Cruz-Dili (semitériu no estrada) iha loron Kuarta (11/11/2015).
Limpeja jerál ne’e ho nia objetivu atu komemora loron Massakre Sta. Cruz ba dala 24 (ruanulu resin hat) ne’ebe sei selebra iha Díli.
Limeja ne’e dirije direta husi Corpo do Aluno Inspetor Xefe Jose Fraga. Limpeja ne’e hahú husi oras 08.00 to’o remata.
Tuir observasaun média PNTL katak limpeja ne’e la’os ajente rekruta PNTL, instrutór no polisia fronteira maibe iha mos Saneamentu Munisipiu Dili no komunidade liu-liu familia matebian sira ne’ebe mate iha loron 12 Novembru 1991 iha semitériu Sta.Cruz Díli. Média PNTL.
