Komandante Polisia Nasional Timor Leste ( PNTL ), kinta ( 05/7) semana ne’e sei koloka membru efectivus 2715 hodi asegura sentru votaasaun iha Distrito sanulu resin tolu
Komando jeral PNTL prepara ona membrus efectivus 2715 hodi koloka fali membru sira ne’e ba iha fatin ka centru votasaun hodi fo apoio seguransa ba iha prosesu elisaun parlementar; dehan Segundo Komandate Jeral PNTL, Komisariu Afonso de Jesus ba Jornalista sira iha kuartel Jeral PNTL kaikoli, Dili.
Oras ne’e dadauk membru efectivus PNTL pronto ona atu hala’o ordem husi Komando no tuir planu iha loron 5 de Julhu de 2012 Komando Jeral PNTL sei halo abertura hodi koloka membro hirak ne’e ba iha centru votasaun no estasaun de votasaun ne;ebe monta iha Distrito no SubDistrito ida-idak.
Durante loron elisaun no prosesu elisaun Komandate Afonso dehan Polisia sei hala;o nia knar hodi halo prevensaun ba kriminalidade iha ordem publika para asegura actividades hodi mantein estabilidade no paz.
Segundo Komandante Jeral PNTL garante elisaun sei laiha problema, tamba Polisia sei halo encontro ho Prokurador sira atu hetan actividades konjunta entre Ministerio Publiku ho Polisia par bele apar didiak ho situasaun ne’ebe relasiona ho krime.
Wainhira presija apoiu, ami mos sei husu apoiu ba Polisia Nasoens Unidas ( UNPOL ), unit Police Force ( FPU ) no Falintil- Forsa defeza Timor Leste ( F-FDTL ) hodi koloka hamutuk ho unidade sira ne’ebe atu ba iha Distrito Viqueque, Ermera no covalima, no ami sei koordena ho Unidade ne’ebe iha Distrito Baucau atu reforcsa tan membru ne;ebe Komando koloka hodi kria ambiente hakmatek ba sidadaun hotu-htou atu povo tomak bele ho hakmatek partisipa iha festa demokrasia ne’e .