Dili- Komando Polisia Nasional Timor-Leste (PNTL) sei buka meius hodi hamamuk motorizada hirak ne’ebe maka polisia departamentu tranzitu prende no sei okupa areador PNTL munisipiu Dili.
Komandante Jeral PNTL Komisariu Polisia Julio da Costa Hornay hateten Komando PNTL no Ministeriu Interior hare hamutuk oinsa rezolve problema motorizada hirak ne’ebe mai bou hela iha PNTL Distritu Dili nune’e bele hamos tia fatin neba tanba distritu Dili nakonu ho motorizada ne’ebe maka prende tanba komete infrasaun disiplinar iha cek point no hanesan sasan evidensia, Nai hato’o kestaun ne’e ba jornalista sira hafoin partisipa iha enkontru semanal iha Kuartel Jeral Kaikoli Dili Segunda (18/04).
Nia afirmatan katak Komando sei haruka karta ba Ministeriu Interior nune’e Ministru Interior kolia ho Primeru Ministru no nai ulun sira oinsa asegura sasan sira ne’e iha fatin ne’ebe adekuadu atu nune’e distritu Dili iha vantajen ba sasan evidensia hirak ne’ebe maka prende bele tau selae motorizada hirak ne’e balu to’o tinan neen no hitu maibe sei nafatin iha neba.
Kestiona konaba motorizada hirak ne’e karik motor ne’ebe maka lakon tanba ema naok komandante Jeral PNTL ne’e hateten PNTL sidauk identifika motorizada hirak ne’e karik balu liga ho ema nia motor ne’ebe maka lakon durante ne’e, tanba ne’e wainhira motor nain ba selu iha banku no lori karta tilan ba tranzitu maka bele identifika; maibe motor balu to’o oras ne’e nain la mosu no husik hela iha neba tanba laiha dokumentus no lahatene nain ba nebe
Motorizada balu polisia kaptura no rai hela sai hanesan sasan evidensia no evidensia hirak ne’e kompetensia Ministeriu Publiku nian. Media PNTL