Díli, 12 Dez (Lusa) – Polísia Nasionál Timor-Leste nia (PNTL) fó sai ohin katak sei destaka polísia sira liu rihun ida hodi garante seguransa durante períudu entre Natal no pasajen ba tinan foun nia. “Ba operasaun destaka ona komandu hotu iha distritu sira, unidade haat no diresaun nasionál tránzitu rodoviáriu nia. Hamutuk elementu na’in 700 iha Díli no na’in 100 iha distritu ida-idak”, afirma komandante PNTL, komisáriu Longuinhos Monteiro. “Operasaun sei hahú iha loron 21 no sei hanaruk to’o pasajen ba tinan foun nia”, hatete DR. Louguinhos Monteiro iha konferénsia imprensa nia. “Ami hakarak garante seguransa no ami hakarak katak komunidade bele kumpri nia dever sira hodi apoia autoridade polisiál sira”, afirma komisáriu timor oan hodi husu kolaborasaun autoridade lokal sira nia. Komandante PNTL fó sai detensaun sidadaun timoroan na’in lima no feto na’in rua husi Indonézia tanba tráfiku droga nia. Iha fulan hirak ikus ne’e, forsa seguransa timor oan sira kaer ema barak, timoroan ka estranjeiru sira, barak liu husi Indonézia tanba tráfiku droga nia.