Covalima- Timor Leste Polisia Dezenvolvimentu Programa (TLPDP) servisu hamutuk ho Centru Comundade Covalima hodi fó kapasitasaun ba membru Polisia sira iha Munisipiu Covalima.
“Objetivu husi treinamentu atu aumenta koñesimentu membru Polisia sira kona-ba komputador liu-liu ba programa Microsoft Word, Exsel no Power Point, atu nune’e membru Polisia sira hala’o servisu kada eskuadra bele lao ho diak,”hateten Acting Oficial Computador Training, Deonisio dos Santos ba Timor Post (08/03) iha salaun CCC.
Deonisio hateten, Treinamentu ne’e hala’o iha periodu 1 to’o periodu 6 no targetu ba treinamentu refere presija membru Polisia nain 10 maibé realidade durante treinamentu ne’e lao iha membru Polisia nain 5 deit maka partisipa no nain 5 seluk la aktivu hodi tuir treinamentu.
Membru polisia nain lima ne’ebe maka aktivu tuir treinamentu ne’e maka hanesan membru polisia eskuadra postu Fatululik, Tilomar no sira seluk husi Komando PNTL Munispiu Covalima.
Treinamnetu ida ne’e suporta husi TLPDP hamutuk ho Centro Comunidade Covalima, Parseira hirak ne’e suporta kona-ba osan ba aihan no osan ba programa tolu kada programa selu dolar 30.
Enkuanto iha fatin hanesan, Komandante Polisia eskuadra Fatululik Raimundo de Araujo nu’udár mós partisipnate kursu, sente orgulho tebes ho treinamentu refere tanba aumenta sira nia kapasidade no aujda sira nia servisu iha instituisaun PNTL nian.
“Hau mos husu ba Centro Comunidade Covalima atu bele fó treinamentu mós ba membru PNTL tomak iha munisipiu Covalima.
Entertantu treinamentu ne’e sei kontinua lao tanba durante ne’e TLPDP servisu hamutuk ho Centru Comunidade Covalima lao diak.
Alende ne’e iha parte seluk, Komando Polisia Nasional Timor Leste (PNTL) munisipiu Baucau parseira servisu ho TLPDP hala’o kapasitasaun ba menru Polisia nain 30. Husi númeru ne’e nain 10 sei tuir kursu iha area komputador no nain 20 iha area komunikasaun.
“Ba ema nain 10 ba tuir komputador durante semana rua, iha mós ema nain 20 ba tuir komunikasaun nian durante loron rua, no ba oin sei halo kontinuasaun ba membru polisia hotu-hotu, ne’ebe iha area administrasaun ka area operasaun, liu-liu OPS sira”, dehan Komandante Justinho ba Jornalista Timor Post, tersa-feira (16/02).
Nia hateten katak, iha mós programa planu annual atividade polisia munisipiu Baucau nian, liu-liu kapasitasaun ba membru sira, aumesmo tempo atividade komando ninian, katak nia hala’o servisu iha komando ka edifisiu loron tolu, hahu’u segunda to’o kuarta feira no atende mós serimonia ruma ordem husi komando jerál. Fonte: Jornal Timor Post.
