Polisia Nasional TimorLeste oras ne’e dadauk kuntinua halo investiga ba kazu sunu uma iha area Markoni, Suku fatuhada hodi buka hatene motive lolos ne’ebe provoka grupu rua asaltu malun to’o sunu uma komunidade nia ida. Kazu sunu uma iha areaMarkoni, Suku Fatuhada Sub Distrito Don-Aleixo, Distrito Dili ne’ebe akontese iha semana kotuk deskunfia tamba kontinuasaun husi problema odiu malu particular iha pasadu. Problema ne’ebe akontese iha area Markoni tamba grupu rua mak tenta halo provokasaun hodi asaltu malu, momentu ne’e hau fo ordem koordena ho Unidade Espesial Polisia ( UEP ) fo apoiu ba Komando Distrito Dili hodi prevene situasaun, informa husi Komando Operasaun da PNTL Superintendente Xefe, Armando Monteiro ba diariu iha Kuartel Jeral Kaikoli Dili . Komandane Operasaundehan konflitu ne’e mosu desintendementu entre juventude iha bairo ne’eba. Problema ne’e mos las foin akontese, maibe tuir informasaun no relatorio ne’ebe mak Komando Operasaun simu katak akontesementu ne’e hanesan kontinuasaun husi problema particular ne’ebe akontese iha pasadu. Uma ida ne’ebe hetanestragus ka sunu ne’e Polisia sei halo hela investigasaun tamba sa mak uma ne’e hetan sunu. Presija investigasaun klean tamba grupu rua ne’e iha hotu area Markoni.