Komandante-Jeral PNTL Komissario, Dr. Longuinhos Monteiro, halo hela konferensia imprensa kona ba insidentes ne’ebe mak akontese iha loron Domindo no Segunda (15-16/07) iha kapital Dili no Distrito Viqueque. Ba jornalistas sira Komandante Longuinhos hateten, husi aksaun violencia ne’e resulta kareta 63 hetan estragus, no ahi han uma 7, Cidadaun ida mate, kareta nebe hetan estragus inklui mos kareta Policia Nasional Timor Leste ( PNTL ) nian 5 rahun, no membrus policia Nasional Timor Leste nain lima hetan kanek. Tanba ne’e mak PNTL sei laiha toleransia ba kualker aktus ne’ebe maka lori konsikuensias ba estabilidade seguransa ba sidadaun nia direitu atu moris iha ambiente hakmatek nian.