Dili- Komandu Polisia Nasional Timor-Leste (PNTL) propoin orsamentu hamutuk $500 mil hodi halo manutensaun ba transporte ne’ebe avaria nune’e bele fasilita servisu operasional lor-loron nian.
Komandante Jeral PNTL Komisariu Faustino da Costa hateten manutensaun transporte ho montante orsamentu ne’ebe boot kompetensia Ministeriu Interior maka halo ninia prosesu aprovizionamentu para indika kompania ne’ebe mak hetan konfiansa hodi halo manutensaun ba viaturas PNTL nian, Nia hato’o asuntu ne’e ba Jornalista sira iha CFP Comoro Dili, Tersa (21/05).
Komisariu ne’e haktuirtan tanba mudansa strutura PNTL nebe mak iha afeita sistema aprovizionamentu katak presija hatene mos servisu ministeriu finanancas nian kompetensia nebe mak nia asinatura bele autoriza ba iha sistema.
Hatan ba difikuldade no prekupasaun Komandu Munisipiu no Unidade ida-idak nian maka iha semana ida liu ba ita responde ona suporta no apoiu balu ba sira hodi kontinua halao servisu atu asegura estabilidade no paz.
Kona-ba kombustivel sei la hetan problema boot tanba sei iha rezerva atu uja.
Antes ne’e Komandante munisipiu no Unidade sira prekupa tebes tanba sira labele halo operasaun ba iha fatin ne’ebe dook tanba viaturas ne’ebe maka sira iha avaria hotu nune’e difikulta sira nia atividade operasional lor-loron. Media PNTL
