Kazu kilat boot ne’ebé deskonfia lakon iha institusaun Polísia Nasionál Timor-Leste (PNTL) oras ne’e tama ona iha prosesu Investigasaun, atu nune’e bele identifika kauza husi kilat ne’ebé lakon, tanba kilat ne’e importante ba nasaun. Kestaun ne’e fó sai Komandate Jerál Polisia nasionál Timor-Leste (PNTL) Komisariu Longinhos Monteiro katak, kazu kilat lakon oras ne’e iha ona prosesu ba iha servisus investigasaun tan ne’e hein tanba investigasaun mak sei determina. Kilat lakon oras ne’e loke ona prosesu ba iha servisu ne’ebé mak iha Kompeténsia hela ba nia, ita hein katak hafoin halo investigasaun mak sei determina, ekonserta katak kilat ida ne’e lahalo lakon, “ dehan Longinhos ba Jornalista Sesta (10/9) Iha palasiu Prezidensiál Aitarak laran. Nia hatutan kilat ne’ebé lakon ida, maibé seidauk bele hatete lakon iha fatin ne’ebé tanba prosesu investigasaun mak sei determina tan ne’e rona ema ne’ebé mak halo investigasun. “Kilat ida mak lakon, lakon iha ne’ebé ha’u labele koalia tanba investigasaun mak sei identifika, investigasaun tenki rona nia lakon iha ne’ebé, ba iha ne’ebé mak ema foti, nia mak tenki hatete kedan,maibé ha’u labele koalia,” Esplika Komissariu Longinhos. Ema ne’ebé mak halo lakon kilat oras ne’e suspende ona hodi tuir prosesu investigasaun, ne’ebé iha unidade servisu informasaun intelijénsia ninia liman