Departamentu Polisia Komunitaria
HAMUTUK ITA PREVENE NO KOMBATE KRIME
Management meeting ( Enkontro Nivel Jestor). Departamento Polísia Komunitaria Timor Leste, hamutuk ho nia parseiru dezemvolvento Polisiamentu Komunitaria Timor Leste ( Timor Leste Community Policing Program – TLCPPNZPOL ho HAKOHAK – The Asia Foundation Timor Leste) realisa reuniaun nivel jestor nian iha sala reuniaun Kuartel Jeral Polisia Nasional Timor Leste (12/12/2012). TLCPP hanesan programa bilateral ida entre Guverno Nova Zelandia ho Guverno Timor Leste nebe maka asina ona akordu ka Memorandum of Understanding (MoU) iha dia 20 de Maio 2012 liu ba, programa ida nee lao durante tinan haat (04) nia laran nebe konta husi tinan 2012 toó ba iha tinan 2015, no programa ida nee fahe komponente boot tolu (03) maka hanesan , Komponente Estrajiku, Komponente Treinamentu, no ikus liu komponente Operasaun. HAKOHAK “embrace” hanesan programa ida nebe maka mai husi TAF – The Asia Foundation iha Timor Leste, programa ida nee hetan finansiamentu husi USAID nomos NZAID programa ida nee halao tanba Komandante Jeral Polisia Nasional Timor Leste Dr. Longuinhos Monteiro asina karta Kooperasaun Tekniku (TC) ida ho Fundasaun asia iha fulan fevereiru tinan 2012, programa ida nee sei lao durante tinan tolu nia laran 2012-2014. Programa prioridades husi HAKOHAK nian ( Estabelismentu KPK –Konsellu Polisiamentu Komunitaria, Sensibilizasaun Programa Polisiamentu,Fundus Seguransa, Peskiza konaba perspektiva komunidade nian konaba Polisiamentu Timor Leste). Reuniaun Konsellu Jestaun nian hare liu ba programa tekniku sira nebe maka atu bele implementa iha tinan 2013, alende koalia konaba programa ba Anu Fiskal 2013 parseiru dezemvolvementu sira (TLCPP ho HAKOHAK) relata progresu durante tinan primeiru nian (2012). Reuniaun ida nee hanesan reuniaun ba daruak no lidera husi Segundo Komandante Jeral Polisia Nasional Timor Leste Komissario Afonso de Jesus, L.Ed. ho Sra. Ana MOSLEY Xefe NZAID iha Timor Leste.( Xefe POLKOM 2012)