𝐃𝐈𝐋𝐈, (𝟏𝟎/𝟎𝟕/𝟐𝟎𝟐𝟓), Komandante Jerál Polisia Nasionál Timor-Leste (PNTL), Komisariu Jerál Polisia Henrique da Costa ho Segundu Komandante Jerál Polisia Nasionál Timor-Leste (PNTL), Komisariu Polisia Pedro Belo hamutuk ho Ministru Interior (MI) Francisco da Costa Guterres hala’o enkontru avaliasaun servisu Trimestral hadia Prestasaun servisu kontinua garante seguransa no estabilidade iha Territoriu Timor-Leste.
Iha Enkontru Avaliasaun servisu trimestral modera husi Inspetor Jeral PNTL hodi fo oportundade ba Komandu Operasaun, Administrasaun, Pesoal no Formasaun Komandante Munisipiu sira no Unidade tolu ho Diresaun sira aprezenta progresu servisu no dezafius ne’ebé sira hasoru iha inisiu fulan Janeiru to’o Juñu 2025, nune’e komandu PNTL hodi tau atensaun hodi hadia prestasaun servisu garante seguransa ho estabilidade iha Timor-Leste.
Iha Intervensaun Interior Francisco da Costa Guterres apresia servisu autoridade seguransa PNTL ne’ebé halao misaun diak tebes, bainhira aprezenta relatóriu servisu PNTL iha enkontru konsellu Ministru, Primeiru Ministru Kayrala Xanana Gurmão kontente no apresia tebes seguransa iha Territoriu Timor-Leste ho kontroladu.
“Ohin hau mai iha ne’e hakarak asiste aktividade avalisaun ida ne’e diak tebes hodi haree servisu ne’ebé halo ona durante kontinua hadia nafatin atu responde ba situasaun saida deit mak mosu, tanba kada semana relatoriu ne’ebé hato’o mia ha’u kontinua aprezenta ba Primeiru Ministru Kayrala Xanana Gurmão iha enkontru konsellu ministru nia apresia tebes situasaun seguransa iha rai laran hakarak uza relatoriu ne’ebé iha fahe ba liña ministerium sira hotu, tanba situasaun lao diak ho hakmatek,” Informa Ministru Interior Francisco da Costa Guterres iha nia intervensaun iha avaliasaun servisu PNTL trimestral iha sentru Formasaun Polisia ohin.
Ministru Interior Francisco da Costa Guterres informa, haree situasaun seguransa iha Territoriu Timor-Leste lao diak, maibe problema iha liña Fronteira Terrestres tenki halo hadia kontinua halo kontrolu ba movimentu sidadaun sira ne’ebé ultrapa ilegal ba nasaun Indonesia graduasaun arte marsiais balun.
Iha enkontru Avaliasaun servisu trimestral no Orientasaun servisu ne’e Komandante Jerál Polisia Nasionál Timor-Leste (PNTL), Komisariu Jerál Polisia Henrique da Costa ho Segundu Komandante Jerál Polisia Nasionál Timor-Leste (PNTL), Komisariu Polisia Pedro Belo hamutuk ho Ministru Interior Francisco da Costa Guterres orienta mos Komandante Munisipiu sira ho Unidade tolu ho Diresaun sira no servisu Informasaun kontinua asegura seguransa ba povu no nasaun, tanba iha full aida ne’e iha aktividade eventu internasional Jogu Deportu CPLP ne’ebé sei hahu iha loron 14 to’o 27 Fulan Jullu 2025 iha kapital Dili.
Iha eventu internasional Jogu Desportu CPLP ne’e sei iha mos enkontru orgaunn soberanu sira ho konvidadadu sira no aktividade kultural ne’ebé sei relaiza hotu iha fulan ida ne’e nia laran hodi harame eventu jogu desportu CPLP epoka tinan 2025 iha Timor-Leste.
Partisipa iha enkontru avalisaun servisu no orientasaun servisu mak hanesan Komandante PNTL Munisipiu sira, Komandante Unidade Tolu, Inspetor Jerál, Komandante Komandu Operasaun, Administrasaun, Pesoal no Fomasaun, Komandante Sentru Formasaun Polisia, Diretor Diresaun sira, Xefe Departamentu no Xefe Gabinete sira hotu.
Media PNTL
