Dili- Prezidente Republika Taur Matan Ruak kondekora Segundu Komandante Jeral PNTL Komisariu Polisia Faustino da Costa ho Medalla Ordem de Timor-Leste ho grau Insigna.
Atribuisaun medalla ordem de Timor-Leste ho Grau Insigna ba Komisario Faustino tanba ninia servisu no dedikasaun ne’ebe aas ba instituisaun no nasaun durante tinan tolu nia laran.
“Hau agradese ba servisu inportante ne’ebe maka responsavel ass sira hetan kondekorasaun ohin ho ordem Timor-Leste hato’o ba nasaun iha lalaok ba sira nia funsaun oi-oin iha tempu naruk ho esperensia.” Dehan PR Taur iha nia diskursu iha Palasiu Prezidente Bairo-Pite Dili (05/05).
Haktuirtan katak kualidade pessoal no profisionalismu ne’ebe hatudu ba públiku husi pessoal kondekoradu sai nudar ezemplu tuir servisu ne’ebe notavel.
Durante ninia mandatu durante tinan lima (5) Prezidente Republika Taur dehan lider hirak ne’e fo sira nia kontribuisaun inportante iha kultura kolaborasaun leal ida entre orgaun soberania sira no solidaridade entre instituisaun estadu nian.
Iha serimonia kondekorasaun ne’e PR Taur Matan Ruak kondekora atribui medalla Ordem Timor-Leste ho grau Colar ba servidor destinto Governu no Estadu ne’ebe durante ezerse sira nia funsaun hanesan Prezidente Parlamentu Nasional Aderito Hugo da Costa, Primeiru Ministru Rui Maria de Araujo, Eis prezidente parlamentu Nasional Vicente Guterres, Eis Prezidente Tribunal Rekursu Guilhermino da Silva, Prokurador Jeral Republika Jose da Costa Ximenes
Atribuisaun Medalla grau Insigna ba Vice Maior jeneral F-FDTL Brigadeiro Filmeno de Jesus paixão no koronel Falur rae Laek. Media PNTL
