Bobonaro-Kuartel UPF Nubadak, Iha loron Tersa-Feira,07/09/2021. Segundu Komandante Jerál PNTL Komisariu Polisia Mateus Fernandes hato’o ninia apresiasaun iha Enkontru Semanal Kuartel UPF ba servisu asegura seguransa iha lina fronteira ba Komandante Munisipiu, Komandante Unidade ho membrus tomak ne’ebe hala’o servisu iha fronteira.
Iha okajiaun ne’e Komandu Operasaun hato’o parabenz mos ba ekipa fiskalizasaun husi GIG ne’ebe hala’o nia knar ho responsablidade ba servisu ne’ebe mak Komandu Orienta hodi vizita postu no obserba servisu membru sira iha terenu liu-liu iha lina fronteira, atu nune’e bele identifika no hatene difikuldade problema ruma, hodi tau planu atu nune’e bele hadia iha futuru mai.
Entretantu Ekipa fiskalizasaun GIG lidera husi Superintendente Xefe Afonso do Santos hala’o fiskaliza iha Lina Fronteira munisipiu Covalima ninian hodi aprezenta fila fali ba Komandu liu husi enkontru semanal iha Kuartel UPF Batugade Nubada ba Segundu Komandante Jeral PNTL.
Iha enkontru semanal ne’e lidera husi Segundu Komandante Jerál PNTL, akompaña husi Komandante Komandu Operasaun Nasional no hetan partisipasaun husi Segundu Komandante Munisipiu Bobonaro, Komandante Munisipiu Liquica Liquisa, Segundu Komandante Munisipiu Covalima , Komandante UPF, UPM, Segundu Komandante UEP, Diretór Logistik PNTL no Xefe SIP Nasional.
