Dili- Kazu Homesidiu Agravadu husi aman rasik ba nia oan ne’ebe maka akontese iha munisipiu Lautem PNTL halo atendemntu Polisial hodi submete arguidu ba Primeiru Interogatoriu no kumpri medida koasaun prijaun preventive.
Porta Voz PNTL Superintendente Xefe Armando Monteiro hateten iha insidente ida ne’ebe maka PNTL rejistu iha semana ida ne’e nia laran sai prekupasaun boot ba ita nia komunidade no sosiedade maka kazu ida neébe maka PNTL deskobre no relata husi komunidade no familia iha loron 13 maiu 2022 iha suku Com postu administrativu Parlamentu munisipiu Lautem, Nia hato’o asuntu ne’e liu husi komferensia emprensa iha Kuartel Jeral PNTL Kaikoli Dili, kinta (18/05)
Nia haktuir liu husi atendementu no ejaminasaun lokal du krime Komandu PNTL munisipiu Lautem hola kedas medidas polisial halo kapturasaun ba vitima ninia aman rasik ho inisial JDS (50). Motivu husi akontesementu ida ne’e suspetu atu selebra loron restaurasaun independensia 20 de maiu iha nia fatin hamutuk ho kolega sira no obriga vitima partisipa hodi halo limpeja jeral maibe tanba vitima idade minoridade entaun nia rejeta husi ida ne’e maka suspetu halo agresaun fiziku to’o ikus vitima hakotu iis.
“Hafoin PNTL munisipiu Lautem liu husi Eskuadra ho Servisu Investigasaun Kriminal (SIK) toó iha lokal du krime halo ejaminasaun no rekonstrusaun lokal du krime ba kazu neébe maka relata husi familia no komunidade kazu suisidiu ida neé bazeia ba ejaminasaun no rejultadu investigasaun kazu neé iha mudansa husi tara aan ba kazu homesidiu agravadu neébe maka rejulta joventude ida ho inisial JDC (15) mate,”Nia esplika.
Hafoin vitima mate arguidu liu husi manera tara tali hodi nune’e relata ba autoridade katak kazu ida ne’e tara aan maibe ita nia investigasaun nia estratejia no manera hodi bele deskobre kazu ida ne’e no horseik lorokraik (18/05) suspetu lori mai ona Tribunal Distrital Baucau (TDB) hodi submete ba Primeru Interogatoriu,bazeia ba desijaun TDB horseik kalan TDB no Komandu PNTL munisipiu Lautem liu husi SIK akompaña arguidu no lori mai kumpri Prijaun Preventiva iha Becora. Media PNTL
