Dili- Komisaun Promosaun Polisia Nasional Timor-Leste (PNTL) halao enkontru ho Gabinete Ministru Interior, Vice Ministru Interior no Asesor sira hodi diskute konaba oinsa halao promosaun Por Antiguidade
Prezidente Komisaun Promosaun Komisariu Polisia Mateus Fernandes hateten hare ba orsamentu ratifikativu neébe maka governu aprova ona iha tinan 2022 ba PNTL atu halo promosaun Por Antiguidade bazeia ba Rejime promosaun Dekretu Lei Nu.16/2009 18 mars, Nia hatoó asuntu neé iha Kuartel Jeral PNTL Kaikoli Dili, kinta (14/07).
Nia hatutan PNTL halo atualijasaun mapamentu ba estrutura hirak neébe maka priense hahu husi capital toó munisipiu hodi hatene nesesidade kada munisipiu ida presija Inspetur no Ofisial nain hira.
Liu husi Diretur Rekursu humanus ható ona proposta ba Primeiru Ministru atu nuneé iha tempu badak ita bele halo promosaun ho justifikasaun ida neébe klaru, no hau sempre dehan ba Diretur Rekursu Humanus atu ejekuta Orsamentu Jeral Estadu neébe maka governu aprova ona.
Iha okajiaun neé Sekretariu Komisaun Promosaun Superintendente Emilio dos Santos hateten iha enkontru neé koalia konaba planu promosaun iha tinan 2022, ligadu ho ida neé Komisaun haruka ona atualijasaun kuadru efetivu no vaga ba promosaun Por Antiguidade iha ambitu OJE 2023.
Nia haktuir promosaun por antiguidade husi kategoria postu Ajente ba Ajente Prinsipal, Ajente Prinsipal ba Ajente Xefe. postu Sarjentu ba Primeiru Sarjentu, husi postu Inspetur Assistente ba postu Inspetur
Iha enkontru neé Prezidente komisaun promosaun orienta Sekretariadu Komisaun atu elavora ideia hirak neébe maka membru komisaun sira hatoó atulija ho Lei no Dekretu lei hirak neébe maka iha no aprejente fali iha kontinuasaun enkontru tuir mai.
Partisipa iha Enkontru neé Inspetur Jeral PNTL, Komandante Komandu Operasaun, Komandante munisipiu Bobonaro, Komandante munisipiu Lautem, Komandante UEP, Xefe Departamentu no Xefe Seksaun sira, Gabinete Ministru Interior, Gabinete Vice Ministru Interior no Asesor sira. Media PNTL
