Dili- Provedor Provedoria dos Diretos Humanos e Justica (PDHJ) halo enkontru ho Komandante Jeral Polisia Nasional Timor-Leste (PNTL) hodi halo kordenasaun konaba servisu diretus humanus nian.
Provedor PDHJ Silverio Pinto Baptista hateten enkontru ho Komandante Jeral PNTL ne’e hodi husu nia disponibilidade atu sai orador hodi koalia konaba papel PNTL liga ho asuntu protesaun direitus humanus ba seminariu nasional konaba Lesbian, Gay, Bisexual no Transgender (LGBT).ne’ebe maka sei realija iha fulan Setembru, Nia hato’o Asuntu ne’e ba Jornalista sira iha Kuartel Jeral PNTL Kaikoli Dili , Tersa (07/08).
Nia haktuirtan Komandante Jeral PNTL Komisariu Julio da Costa Hornay disponivel tanba ne’e hau sei hato’o konvite hodi konvida Komandu PNTL munisipiu 12, Komandante Eskuadra sira iha munisipiu Dili no Rejiaun Autonoma Oecusse hodi fahe informasaun LGBT ba Komandante sira atu sira iha konyesmentu.
Seminariu nasional konaba LGBT ne’e sei foka liu ba entidade tolu hanesan Komandu PNTL, Ministeriu Edukasaun no Ministeriu Administrasaun Estatal ho objetivu atu hasae konyesmentu no konsiensia entidade publiku hodi garante direitu no liberdade LGBT sira nian.
Antes termina Provedor Silveiro apresia PNTL tanba hatudu ezemplu diak hodi organiza movimentu trafiku iha dalan no fo seguransa wainhira LGBT sira organiza Marsa iha tinan kotuk, ida ne’e mak ita hakarak tanba iha rejiaun Azia so Timor-Leste mak hatudu ezemplu diak ida ne’e kompara ho nasaun vizinu. Media PNTL
