Dili, 19 novembru 2020 (SRP) – Kinta feira ne’e, Vise-Ministru Interior António Armindo akomapanha husi asesor legal husi Gabinete Primeiru-Ministru nian, Andre Rodrigues Teixeira Fernandes halo tun direta hodi hasoru malu ho Komandante Jeral PNTL Komisariu Faustino da Costa no Segundu Komandante Jeral PNTL Komisariu Mateus Fernandes hodi fó solusaun mais rapidamente posível ba situasaun dívida naun-finanseira iha Kuartel Jeral PNTL Caicoli.
“Ohin ita mai hasoru malu ho komisariu nain rua hodi halo avaliasaun ba tusan iha PNTL nian hodi asegura ezekusaun ba OJE (Orsamentu Jeral Estadu) anu fiskal 2020 tenke lao ba oin, atu nune’e hahu planu ba 2021 ne’e bele foka ba dezenvolvementu infraestrutura instituisaun PNTL nian no laos atu selu tusan”, dehan Ministru Interior António Armindo iha Kuartel Jeral PNTL Caicoli.
Nia dehan, hare mos kontratu no tusan husi telekomuniasaun, Telemor selu kamara CCTV, no manutensaun ba kareta.
Iha okazisaun Ida ne’e Vise Ministru mos husu ba Komisariu atu fo orientasaun ba parte finansas atu tau atensaun ba pagamentu dividas inklui halo estimativa ba reseitas Orsamentu Estadu nian, atu nune’e dívidas ne’ebé iha labele bot liu fali kapasidade ne’ebe atu selu iha future tanba sei aumentu iha despezas.
