Dili-Polisia Nasional Timor-Leste (PNTL) halibur ideia no trasa planu hamutuk hodi dezenvolve Unidade Patrulamentu Fronteira(UPF) iha futuru nuneé sai fatin neébe seguru ba ema hotu neébe halo movimentu ba mai.
Komandante UPF Superintendente Euclides Belo hateten loron daruak Seminariu Nasional Konaba Prespetiva Seguransa Fronteira Ba Futuru iha ekipa 10 maka halo aprejentasaun, ohin ekipa akademista neébe maka Hau partense ba ho sefe ekipa Komandante CFP Superintendente Xefe Arquimino Ramos Ami halo aprejentasaun prespetiva hotu neébe maka iha hodi defini tarefas ba futuru seguransa fronteira sai oinsa, Nia hatoó asuntu neé ba Jornalista sira iha Timor-Plaza Dili, tersa (07/06).
Nia haktuirtan PNTL hanesan ajente seguransa neébe maka garante seguransa iha fronteira ita tenke defini didiak planu depois bele alina vizaun global ba ema hotu-hotu neébe maka sei goja Timor-Leste nia independensia hodi halo movimentu ba mai.
“Ami halo aprejentasaun no identifika lakunas neébe maka UPF hasoru hanesan pontu forte no pontu fraku iha liña fronteira hanesan falta rekursu humanus, infraestrutura hanesan estrada, eletrisidade, komunikasaun depois opiniaun hotu neébe maka hakerek iha dokumentus formal ba Komandante Jeral nia papel hanesan kaer kargu politika instituisaun PNTL nian depois sujere hodi halo debate ho parte politika para bele dejenu diak liutan papel seguransa iha fronteira neé bele sai diak liutan,” dehan Komandante Belo.
Maske rekursu la toó maibe husi Komandu orienta Polisia labele servisu messak sempre halo komunikasaun kordenada ho autoridade sira seluk tanba neé UPF sempre servisu hamutuk ho autoridade lokal iha Batugade hanesan Xefe suku Sanirin, Xefe suku Cova, Leo-Hitu no Xefe suku sira seluk neébe maka iha liña fronteira sira nia kontaktu ba malu sufsiente.
Alende neé relasaun UPF ho parte TNI, POLRI no Beacukai Indonezia nian diak no forte teb-tebes nuneé iha semana rua kotuk ami halo patrullamentu, no passa tempu hamutuk no deskansa iha zona livre no hemu Delos hamutuk neé hatudu Ami nia sinerjia servisu hamutuk no koperasaun forte teb-tebes no ida neé sei kontinua nafatin tanba Komandante Batalaun 743, Komandante Dandim Belu, Kapolres no diresaun hotu neébe maka iha fronteira halo nafatin komunikasaun ho Komandante UPF, no atividade amizade tantu igreja no desportu mos sei halao iha tempu neébe maka ami sei kordena para bele realija.
Aprejentasaun ida neé lori mos moto neébe maka dadauk neé UPF iha katak “Servisu Hamutuk Garante Liña Fronteira Sai Fatin Seguru ba Ema Hotu-Hotu” signifika katak fornteira Timor-Leste ho Indonezia daudauk neé iha maibe ba futuru kadavez sidadaun lahatene fronteira maka neébe tanba ema hotu-hotu agora daudaun neé moris livre hakarak ba neébe deit naran katak iha pasaporte no dokumentus legal para halo movimentu.
Antes termina Komandante neé hateten maske hasoru difikuldade oi-oin maibe lahamate ami nia vontade atu servi no PNTL tenke uza meius hotu se komunikasaun ladiak utilija telfone liu husi kria WhatsApp group para bele orienta, tuir siensia funu iha lingua indonezia dehan katak “Maju terus bertahan atau mundur/avansa nafatin mantein ou hakiduk” , ita labele hakiduk no mantein ba oin nafatin konta ho apoiu husi media, no ema hotu-hotu nuneé dezenvolvimentu seguransa neé ba oin no labele hakiduk. Media PNTL
