279065983_1422795868181410_7623360166067586101_n
Dili, 26 abríl 2022 (SRP)- Ekipa Servisu Migrasaun ne’ebé xefia husi Komandante Sektór Operasaun Servsu Migrasaun, Inspetór Polísia Ernesto Maia, deporta sidadaun estranjeiru nain 4 ne’ebé kaptura husi ekipa konjunta Polísia Sientífika Investigasaun Kriminál (PSIK) iha area Vemasse-ba Atase Kedutaan Besar Republik Indonesia hodi abandona voluntariu territóriu nasionál.
Sidadaun nain 4 ne’e mak hanesan JFS, moris iha Manatuto iha loron 3 marsu 1957, ASC moris iha loron 12 marsu 1974, ACF, moris iha loron 2 maiu 1993 no LS moris iha Naibonat iha loron 2 novembru 2021, hanesan família Fen, laen oan no bei-oan. Sidadaun sira ne’e hanesan refujiadu ba Indonézia iha tinan 1999 hela iha Naibonat-Kupang no agora sai ona sidadaun Indonézia. Husi sira 4 ne’e ida sei bebé fulan 5 tama ilegál mai Timór-Leste iha loron 21 fulan abríl liubá liuhusi area Batugade munisípiu Bobonaro. Sira nain 4 ne’e sae bis husi Maliana mai Dili to’o iha terminál Tasitolu-Comoro, sae mikrolet mai terminál Becora no kontinua sae bis Baucau nian hodi liubá Manatuto no Vemasse ho objetivu vizita família.
279180778_1422795758181421_7258491294508567766_n
Iha loron 23 fulan abril, Ekipa konjunta husi PSIK-Polísia Sientífika Investigasaun Kriminál iha Ministériu Justisa kaptura sira nain 4 iha Vemase-Manatuto lori mai PSIK hodi submete ba prosesu Investigasaun relasiona ho sira-nia prezensa ho kazu tama ilegál mai Timór-Leste no laiha dokumentus hanesan pasaporte.
Hafoin halo tiha prosesu investigasaun iha Polísia Sientífika Investigasaun Kriminál kontinua guia mai Servisu Migrasaun hodi prosesu tuir lei Migrasaun no Ázilu-Lei númeru 11/2017, 24 Maiu hodi prosesu abandona voluntariu territóriu nasionál Timór-Leste fila ba nasaun orijen Indonézia. Media Serviços Relações Públicas MI