Dili- Polisia Nasional Timor-Leste (PNTL) kontinua asegura seguransa hodi garante paz no estabilidade nasional iha VII governu konstitusional.
Komandante Komandu operasaun Superintendente Xefe Henrique da Costa hateten Komandu PNTL fo ona orientasaun ba komandu PNTL munisipiu 13 no Unidade sira atu hasae atividade servisu nian hodi garante paz no estabilidade nasional no akompaña situasaun ne’ebe maka akontese iha teritoriu laran hodi relata ba Komandu hodi foti medida ruma, Nia hato’o asuntu ne’e ba jornalista sira iha Centru Formasaun Polisia Comoro Dili Segunda (18/09).
Komandante Henrique haktuirtan katak durante prosesu formasaun VII governu konstitusional PNTL halo alerta um no alerta 2 hosi mantein seguransa no ordem publika PNTL iha prosesu formasaun governu to’o tomada de posse iha loron Sexta-Feira (18/09) iha Palasu Novre Lahane Dili.
Laiha problema ruma ne’ebe maka akontese relasiona ho formasaun governu maibe PNTL identifika iha krime baibain ne’ebe maka akontese loro-loron. Media PNTL
