Singapora-Polisia Nasional Timor Leste (PNTL) ho Polisia Republik Indonsia (POLRI) kontinua servisu hamutuk hodi kombate ema ne’ebe lori tama sai droga no sasan ilegal liu husi Fronteira Timor- Leste no Indonesia.
‘’Ema ne’ebe lori Droga husi Malaysia liu husi Timor Leste lori tama ba Indonesia liu husi Fronteira, krime transnasional no trafiku humanu, tamba ne’e oinsa ema sira ne’e ita bele kontrola’’, informa komandante Jeral PNTL Komisariu Polisia Julio da Costa Hornay iha sorumutu bilateral iha loron Kinta-Feira (14/09) iha sesaun konferensia ASEANAPOL iha Singapora.
Iha oportunidade ne’e mos komandante jeral husu ba KAPOLDA atu kontinua servisu hamutuk hodi hasa’e kapasidade rekursu humanu ba membru PNTL iha area SESPIMA, SESPIMMEN no SESPIMTI.
Iha Fatin hanesan Kepala Jenderal Polisi Indonesia Muhamat Tito Karnavian, PhD mos orgullu ho sorumutu ne’e atu kontinua kria servisu ne’ebe diak entre PNTL ho POLRI.
“Kona-ba Rekursu humanu Ofisiais PNTL balun komesa eskola iha CESPIN, tamba ne’e futuru ami sei kolia oinsa labele para deit iha dalan klaran, maibe kontinua nafatin’’, informa Tito Karnavian.
Iha sorumutu bilateral ne’e Komandante Jeral PNTL Komisariu Polisia Julio da Costa Hornay tara tais ba Kepala Jenderal Polisi Muhamat Tito Karnavian hanesan simblu kultura Timor Leste.
Media PNTL.
