RAEOA-Iha Loron 26 fulan Novembru Tinan 2023, Komandante Jeral PNTL Komisariu Jeral Henrique da Costa Ho ekipa halo vizita servisu ba iha Fronteira Bi-eli suku Beneufe, Aldeia Lamasi, Postu Administrativu Nitibe, RAEO, Fronteira ho Naekake-Kupang Indonesia.
Iha vizita servisu refere Komandante Jeral ho ekipa la’o ain husi Lamasi ba iha Bieli.
“ Ohin husi Polisia Nasional Timor Leste halo vizita mai Bi -eli, Suku Bene Ufe, Postu Administrativu Nitibe, Reziaun Autonomia Espesial Oecuse, tamba ita katak, fatin izoladu tebes distansia dok”, dehan Komandante Jeral PNTL.
Iha vizita ne, Komandante Jeral PNTL Ho ekipa lori mos sasan nesesidade bazika hodi intrega ga fahe ba komunidade sira, hanesan fos, mina, kafe, masimidar, pasta, solar sel, tamba komunidade sira nebe hela iha Bieli seidauk asesu ba eletrisidade. Pasta, kadernu no lapijeira ba labarik sira. Fo mos estatua sagrada familia no estatua Santo Antonio fo ba iha katakista atu nune bele tau iha kapela.
“Iha fatin ida ne’e la iha eskola, labarik sira barak mos la eskola wainhira sira atu ba eskola tenki ba iha Citrana no Lamasi, sira la’o kilometru 18, maibe ohin ita identifika joven nain tolu mak hatene le no hakerek ita uja fali sira atu bele hanorin labarik kiik sira, ita tenki hare labarik sira nia futuru, joven nain tolu nebe ita identifika, PNTL sei fo osan oituan hodi selu sira, sira mos hatan, ita fo ona orientasaun ba iha Komandante eskuadra Bauknana no arjuntu Komandante RAEOA identifika hatoo sira nia naran ba hodi halo prosesu ajuda ba sira, atu nunee labarik sira bele hatene le no hakerek, ita tenki hare labarik sira nia futuru”, informa Komandante Jeral PNTL.
Komandante Jeral mos hateten katak, komunidade sira nebe iha Bi eli ijoladu no sira besik liu iha fronteira, tamba ne PNTL presiza hakbesik an ba sira, hanesan Polisia Komunitaria.
Iha vizita nee Komandante Jeral Ho ekipa intrega mos Bandeira RDTL no mos fotografia Prezidente Republika, Jose Ramos Horta no Primeiru Ministru Kay Rala Xanana Gusmão.
Wainhira fila husi fronteira Bieli Komandante PNTL vizita mos Postu UPF Mahata hodi hare besik liu tan membru UPF sira neebe servisu iha postu refere.
Vizita servisu Komandante Jeral, akompanha husi Prezidente AESPNTL ka espoza, Komandante Administrasaun PNTL, Komandante UPF ho espoza, segundu Komandante Komandu PNTL RAEOA ho membru sira.
