Dili- Membru Polisia Nasional Timor-Leste (PNTL) Unidade Tranzitu Seguransa no Rodoviaria nain 20 partisipa iha turnu daruak kursu modulu tranzitu konaba Sistema Jestaun Insidente (SJI) hodi atualiza dadus asidente trafiku.
Diretor Unidade Tranzitu no Seguransa Rodoviaria Inspetor Xefe Antonio Lourenco da Costa Soares hateten kursu modulu tranzitu ne’e konaba oinsa utilija sistema jestaun insidente hodi atualiza dadus asidente trafiku no atividade seluk hanesan infrasaun tranzitu no patrulamentu hodi akumula dadus hirak ne’e husi munisipiu mai sentraliza iha IMS, Nia hato’o asuntu ne’e ba jornalista sira iha CFP Comoro Dili, Kuarta (20/09).
Komandante Antonio haktuirtan katak durante ne’e unidade tranzitu utiliza ona sistema IMS maibe iha sirkumtasia balu ne’ebe ladun iha efetividade tanba iha failansu asesu internet tanba ne’e sidauk atualiza ho diak.
“ Rekapitulasaun dadus asidente trafiku ne’ebe akontese loro-loron hodi atualiza dadus ne’ebe justu hodi halo estatistika annual, mensal no semanal nune’e wainhira iha enkontru altu nivel Komandante Jeral lori dadus ida ne’e hato’o ba Prezidente Republika,” dehan Komandante Antonio.
Espera katak kursu ne’e bele aprofesoa liutan sira nia servisu hodi utilija Sistema Jestaun Insidente ho diak liutan nune’e depois de formasaun ne’e sira bele kapasitadu no bele atualiza informasaun iha Sistema Jestaun Insidente ho lolos.
Entertantu Reprezentante TLPDP Chris Henssen enkoraja partisipante sira atu utilija Sistema Jestaun Insidente hodi atualiza numeru statistika diakliu iha Timor-Leste nune’e ezekutivu sira atu hatene asidente ne’ebe maka akontese no fo atensaun maximu ba fatin ne’ebe maka numeru asidente ass.
Nia husu ba ba partisipante sira atu fo atensaun ba kurus ne’e no esforsu aan hodi buka hatene no atu fasilita servisu Unidade Tranzitu nian TLPDP sei fo apoiu kumputador ba unidade ne’e.
Kursu modulu tranzitu Sistema Jestaun Insidente ne’e loke husi Segundu Komandante Jeral PNTL Komisariu Faustino da Costa akompaña husi Segundu Komandante CFP Superintendente Asistente Emilio dos Santos, reprezentante TLPDP no partisipa husi membru Unidade Tranzitu nain 20 husi munisipiu 13, no formasaun ne’e sei halao durante loron tolu nia laran hahu 20-23 Setembru. Media PNTL
